電訊日常 ：電話號碼攜號轉台

儲值卡只需提供iccid，即sim上數字；上台卡只需提供登記人id，如用公司名登記就提供BR。

儲值卡用戶需確保轉台當日sim卡未到期，有少量餘額方可轉台(個別網絡商供應卡內$0可以轉台，詳情請向服務供應商查詢)

上台用戶轉台，建議合約期之後截數日之前轉台， 如果唔清楚日子可以向現時電信商查詢， 問清楚邊一日或邊一段日子轉走唔會產生罰款及其他額外費用，客人有責任確保轉台當日服務正常， 如果電話號碼已停用是無法轉台的，所以"請勿請勿請勿"自作聰明打上台叫人停咗個服務

建議：從未用過儲值卡嘅客人真心唔建議用儲值卡，除非有專人教授及跟進，因為儲值卡會有以前你未遇過嘅問題會發生，例如，電話會無故打唔出打唔入(分鐘用完或冇餘額)，突然無法上網(數據用完)，更可能會號碼會被回收(過期冇增值)

總結一下，儲值卡識用真係好抵用，唔識用真係會激死你。

有時真係唔好怪行家脾氣差，有時一張電話卡或一張增值券真係賺你一個幾毫，甚至蝕賣，問一兩句問題係正常，但不停問一啲好基本好common嘅野人地真係會燥底