訂單查詢
落單之後想知包裹去到邊?呢頁一次過講清楚我哋嘅出貨時間、截單時間、點樣用物流單號查件,以及門市/屯門紅橋自取要注意嘅地方。
一、我嘅包裹而家喺邊?
視乎你揀嘅送貨方式,時間差別頗大:
平郵(香港郵政)
1–7 個工作日
所有卡款一律已包平郵,唔使額外付費。
每日 下午 3:00 前完成付款會安排即日寄出。
平郵冇逐件掃描記錄,同一日寄出嘅郵件,有客人第二日收到、有客人一星期後先收到,屬正常現象。
順豐速運
約 1 個工作日
可揀順豐站/智能櫃自取或派送上門。
每日 下午 6:00 前完成付款會安排即日寄出。
一般第二日中午前收到;偏遠地區可能要下午或多一個工作天。
門市/自取點
收到取貨通知後
元朗門市或屯門紅橋自取點。
必須先收到取貨通知,未收到即代表貨物未到。
取貨時請帶備訂單編號及電話號碼,核對無誤先會交收。
二、出貨截單時間一覽
| 付款時間 | 平郵 | 順豐速運 |
|---|---|---|
| 星期一至日 15:00 前 | 即日寄出 | 即日寄出 |
| 15:00 後 – 18:00 前 | 下一個工作天寄出 | 即日寄出 |
| 18:00 後 | 下一個工作天寄出 | 下一個工作天寄出 |
公眾假期及門市休息日不計算在內,如有假期休息會另行通知。
三、用物流單號快速查件
當我哋寄出包裹,會經 WhatsApp 或電郵通知你物流單號。輸入單號即可直接查:
四、運費同包郵門檻
| 送貨方式 | 免運門檻 | 未達門檻運費 |
|---|---|---|
| 平郵 | 一律包郵 | — |
| 順豐站/智能櫃自取 | 訂單滿 $350 | $15 |
| 順豐派送上門/合作便利店 | 訂單滿 $500 | $25 |
- 包郵活動不包括攜號轉台訂單。
- 如地址屬順豐偏遠地區,即使已達包郵金額亦會額外收取 $10 偏遠附加費。
- 我們只寄送香港、澳門及台灣地區。
五、自取流程(元朗門市/屯門紅橋)
- 落單時揀選自取,並完成付款。
- 等我們通知。收到取貨通知才表示貨物已送達自取點,未收到請勿前往。
- 取貨時提供訂單編號及電話號碼,核對無誤後才可取貨。
元朗門市
新界元朗教育路 18-24 號
元朗商業中心 8 樓 801 室
百老滙左邊入 lift,教育路麥當勞對面
取貨時間:星期一至日 12:00–19:00
屯門紅橋取貨點
屯門青菱徑 3 號
東威閣商場 G23 號鋪
格格淘自取點
取貨時間:星期一至六 14:00–19:00
門市如有假期休息會另行通知,出發前可先 WhatsApp 確認。
六、攜號轉台訂單
攜號轉台同一般買卡唔同,需要網絡商處理號碼轉移,時間會長少少:
- 門市/便利店取卡:最快約 3 日生效。
- 送貨或智能櫃取卡:最快約 3 個工作天後生效。
- 號碼切換嗰刻可能短暫無服務,一般幾分鐘至一兩小時內恢復。建議揀夜晚或假日辦,影響最小。
- 攜號轉台訂單不適用包郵活動。
七、常見問題
落單後超過 2 天都未收到通知,點算?
請立即與我們聯絡,並提供訂單編號。可以 WhatsApp +852 5995 0991 或電郵 info@chillyik.com,我們會盡快幫你跟進。
我可以修改訂單內容嗎?
唔可以。一旦落單,倉庫團隊會即時收到訂單並開始處理,所以無法修改任何資料。落單前請先檢查清楚卡款、數量同送貨方式。
我還沒有收到物流單號
平郵因為冇逐件掃描記錄,未必會提供物流單號。如你揀咗順豐但超過 2 天仍未收到單號通知,請 WhatsApp 聯絡我們查詢。
平郵遲遲未到,係咪寄失咗?
平郵需時 1–7 個工作日,同一日寄出嘅郵件派送時間可以差好遠。如超過 7 個工作日仍未收到,請聯絡我們,我們會幫你跟進。
點解我用信用卡付款後收到退款?
部分經信用卡支付嘅訂單會出現扣除手續費後自動退款嘅情況。建議選用 FPS 轉數快/PayMe/支付寶 AlipayHK 付款。如使用信用卡付款後取消訂單,信用卡公司會扣除 15% 手續費,再退回餘額。
付款後要唔使通知你哋?
要。請於付款後 5 分鐘內提供入數紀錄以便核對。以 FPS/PayMe/支付寶付款時,金額尾數請填電話號碼最後一個數字(例如電話係 98765432,就入 $xxx.02)。
八、仲未解決?直接搵我哋
查詢訂單最快嘅方法係 WhatsApp,請提供訂單編號或落單時嘅電話號碼。
WhatsApp +852 5995 0991 info@chillyik.com
WhatsApp 查詢時間:星期一至日 12:00–19:00(假期休息會另行通知)